एफडीएने दोन प्रसिद्ध रेस्टॉरंटवर केलेल्या छाप्यात किचनमधील किळसवाणा प्रकार उघडकीस आला. सिंथेटिक फूड कलर, बुरशी लागलेले आंबे आणि सडलेल्या भाज्यांसह अन्य गंभीर बाबी समोर आल्या.
प्रसिद्ध हॉटेल्सवर FDA ची कठोर कारवाई
हॉटेलमध्ये जेवायला जाणाऱ्या लाखो ग्राहकांसाठी एक धक्कादायक बातमी समोर आली आहे. FDA ने शहरातील दोन अत्यंत लोकप्रिय रेस्टॉरंटवर अचानक छापे टाकले असता, तेथील किचनमधील भयानक अवस्था पाहून अधिकाऱ्यांनाही धक्का बसला. ‘यल्ला यल्ला’ आणि ‘आईच्या गावात’ या दोन्ही रेस्टॉरंटचे परवाने तात्काळ पुढील आदेशा पर्यंत निलंबित करण्यात आले आहेत.
विद्यानगरच्या ‘यल्ला यल्ला’ हॉटेल मध्ये काय सापडले?
एफडीएच्या अधिकाऱ्यांनी दिलेल्या माहितीनुसार, विद्यानगर येथील ‘यल्ला यल्ला’ रेस्टॉरंटमध्ये बटर चिकन, कबाब आणि चिकन लॉलीपॉप या लोकप्रिय पदार्थांच्या ग्रेव्हीत मोठ्या प्रमाणात सिंथेटिक फूड कलरचा वापर केला जात होता. छाप्यादरम्यान पथकाने २० ते २५ रासायनिक रंगांचे डबे जप्त केले आणि लगेच नष्ट केले. हे रासायनिक रंग आरोग्यासाठी अत्यंत हानिकारक असून, ते काही दिवस सतत खाण्यात आल्यास गंभीर आजार होऊ शकतात.
‘आईच्या गावात’ रेस्टॉरंटवर ही कारवाई
ईटखेडा-कांचनवाडी येथील ‘आईच्या गावात’ या रेस्टॉरंटमध्ये मेन्यूकार्डवर ‘बटर नान’चे नाव देऊन प्रत्यक्षात स्वस्त दर्जाचे व्हेजिटेबल फॅट स्प्रेड वापरून ग्राहकांची दिशाभूल केली जात होती. याशिवाय, किचनमध्ये रसासाठी बुरशी लागलेले आंबे आणि सडलेल्या पालेभाज्या साठवून ठेवल्याचेही अधिकाऱ्यांच्या निदर्शनास आले.
हॉटेल व्यावसायिकांमध्ये भीती आणि खवय्या मध्ये खळबळ
या कारवाईमुळे शहरातील इतर प्रसिद्ध हॉटेल्स, रेस्टॉरंट आणि ढाब्यांच्या मालकांमध्ये प्रत्येकजन आपल्या हॉटेल बाहेर त्यांच्या हॉटेल मध्ये मिळणाऱ्या पदार्थाबाबत पती लावत आहेत. पण हॉटेल मध्ये खाण्याचे शौकीन असणाऱ्या मध्ये मात्र ‘नाव मोठे पण लक्षण खोटे’ अशी चर्चा सुरु आहे. आरोग्याशी खेळणाऱ्या व्यावसायिकांवर आता कठोर कारवाई केली जाणार असल्याचे संकेत एफडीएने दिले आहेत. आयुक्त तुकाराम मुंढे यांच्या मार्गदर्शनाखाली शहरातील सर्व हॉटेल्स, रेस्टॉरंट आणि ढाब्यांवर छापेमारी मोहीम सुरू करण्यात आली आहे.
By
