लाडकी बहिण योजनेत आता १५०० ऐवजी मिळणार २१०० रुपये ?

EAC-PM च्या अहवालाने महागाईच्या पार्श्वभूमीवर रकमेत वाढ करण्याची शिफारस केली आहे. वाचा सविस्तर…

मराठवाडा अपडेट 24 : महाराष्ट्राच्या राजकारणात ‘गेमचेंजर’ ठरलेल्या मुख्यमंत्री माझी लाडकी बहीण योजनेच्या लाभार्थ्यांना १,५०० रुपयांऐवजी २,१०० रुपये मिळणार आहेत अशी चर्चा सुरु आहे. महायुती सरकारने निवडणुकीपूर्वी ही रक्कम वाढवण्याचे आश्वासन दिले होते. आता पंतप्रधानांच्या आर्थिक सल्लागार परिषदेने (EAC-PM) सादर केलेल्या अहवालाने या चर्चेला पुन्हा एकदा तोंड फुटले आहे.

सादर केलेल्या अहवालात काय म्हटले आहे ?

या अहवालात म्हटले आहे की, लाडकी बहीणसारख्या योजनांच्या रकमेची वेळोवेळी समीक्षा करण्याची गरज आहे. महागाई वाढल्याने आणि कुटुंबांच्या खर्चात झालेल्या बदलामुळे गरज पडल्यास ती रोख रक्कम वाढवली पाहिजे. तसेच, या योजना “सुरू ठेवल्या पाहिजेत आणि ‘कॅश-प्लस’ स्वरूपात विकसित केल्या पाहिजेत” अशी शिफारसही करण्यात आली आहे.

२१०० रुपये कधी पासून सुरु होणार ?

विधानसभा निवडणुकीच्या प्रचारादरम्यान महायुतीने लाडकी बहीण योजनेची रक्कम १,५०० वरून २,१०० रुपये करण्याचे आश्वासन दिले होते. मात्र, सत्तेत आल्यानंतरही याबाबत अद्याप कोणताही ठोस निर्णय झालेला नाही

यावर उपमुख्यमंत्री एकनाथ शिंदे काय म्हणाले ?

उपमुख्यमंत्री एकनाथ शिंदे यांनी याबाबत स्पष्ट भूमिका मांडली आहे. ते म्हणाले, “लाडक्या बहिणींना योग्य वेळी ही रक्कम २,१०० रुपये करण्यात येईल. आम्ही आमच्या बहिणींना दिलेला शब्द पूर्ण करू”